Neste ano 2009 queremos compartir con todos os amigos, colegas e afeccionados ó teatro de monicreques o trinta aniversario da creación da nosa compañía.                                                             

Un  4 de marzo do ano 1979  5 amigos, Rosa e Isabel Rey, Jacobo Remuñan, Xosé M. Botana e Marcelino de Santiago “Kukas”, presentan por primeira vez a obra  Fabanola e o Televexo na Feira do queixo de Arzúa que supón o comezo do teatro de títeres contemporáneo en Galicia.                                               

30 anos de traballo, creación, investigación, diversión, moitos esforzos, alegrías e algún desgusto, aplausos, reivindicacións, risas e imaxinación, en definitiva contribuíndo a estabilización e dignificación da lingua galega e do teatro de marionetas en Galicia, xunto a compañeiros e compañías como Viravolta, Crica, Picapolaina, Trécola, Tanxarina, Titiriti, Spaguetti, Sapoconcho, Papaventos, Teatro das Catro Artes, Matarile, Danthea, Falcatrúa, Fabanola, Cachirulo, Teatro do Dragó, Birimbau, Z-zepelin, Seisdedos, Títeres Gualtrapas, Teatro da Mallante,Trompicallo, Buratini, Artello Teatro alla Scalla, Tres Globos e mais recentemente Caramuxo, Tirititempo, Galitoon, Cascanueces, Tarabuleque, Teatro do Liló, Babaluva ou Títeres Alakrán e moitos mais que están comezando hoxe en día a súa andaina como a Xanela do Maxín ou Titirimaña.